விஸ்வநாத் ஒரு இந்திய திரைப்பட இயக்குனர், திரைக்கதை எழுத்தாளர் மற்றும் நடிகர், முதன்மையாக தெலுங்கு சினிமாவில் அவரது படைப்புகளுக்காக அறியப்பட்டவர். அவர் ஐந்து தேசிய திரைப்பட விருதுகள், ஏழு மாநில நந்தி விருதுகள், பத்து பிலிம்பேர் விருதுகள் இந்தியில் ஒரு பிலிம்பேர் விருது ஆகியவற்றைப் பெற்றுள்ளார். 1981 இல் “பிரான்ஸின் பெசன்கான் திரைப்பட விழாவில்” “பொதுமக்களின் பரிசு” அவருக்கு வழங்கப்பட்டது.
1992 ஆம் ஆண்டில், அவர் ஆந்திரப் பிரதேச மாநில ரகுபதி வெங்கையா விருதையும், கலைத் துறையில் அவர் ஆற்றிய பங்களிப்பிற்காக பத்மஸ்ரீ விருதையும் பெற்றார். 2017 ஆம் ஆண்டில், அவருக்கு இந்திய சினிமாவின் மிக உயரிய விருதான தாதாசாகேப் பால்கே விருது வழங்கப்பட்டது. இவர் தமிழில் சிப்பிக்குள் முத்து, ஸ்வர்ண கமலம் உள்ளிட்ட பல படங்களையும் இயக்கியுள்ளார். இயக்குனராக மட்டுமின்றி ஒரு நடிகராகவும் தனது திரை வாழ்க்கையில் பயணம் செய்துள்ளார்.
இவர் தமிழில் குணச்சித்திர நடிகராக, குருதிப்புனல், முகவரை, காக்கை சிறகினிலே, பகவதி, புதிய கீதை, யாரடி நீ மோகினி, ராஜபாட்டை, சிங்கம் II, லிங்கா மற்றும் உத்தம வில்லன் போன்ற தமிழ் திரைப்படங்களில் நடித்தார். விஸ்வநாத் காசிநாதுனி ஜெயலட்சுமியை மணந்தார். நடிகர் சந்திர மோகன் மற்றும் பாடகர் எஸ்.பி.பாலசுப்ரமணியம் மற்றும் எஸ்.பி.சைலஜா ஆகியோர் விஸ்வநாதனின் உறவினர்கள். நடிகர் விஸ்வநாத் நேற்று தனது 92வது வயதில் ஹைதராபாத்தில் இறந்தார்.
